Skip to content

Mewn byd sy'n suddo dan bwysau biliynau o dudalennau gwe, gall cadw cam a cham â'r wybodaeth sydd eisiau fod yn faich. Oni fyddai'n well trefnu i'r holl newyddion a phenawdau diweddaraf gael eu danfon atoch yn uniongyrchol, yn lle'ch bod yn gwibio o safle i safle? Wel, fe allwch chi nawr, diolch i wasanaeth clyfar iawn o'r enw RSS. Mae rhywfaint o ddadlau dros beth yn union y mae RSS yn sefyll amdano, ond mae'r mwyafrif yn dewis 'Really Simple Syndication'. Mewn Cymraeg croyw, mae'n caniatáu ichi nodi'r cynnwys sy'n dda gennych a gofyn am i hwnnw gael ei ddanfon yn uniongyrchol atoch. Mae'n dileu pob rhyw drafferth sydd ynghlwm wrth gadw gyda'r oes drwy ddangos ichi'r wybodaeth ddiweddaraf oll am bynciau y mae gennych ddiddordeb ynddynt.

Arriva Graduates
*
Arriva Graduates

Sut dechreua i ddefnyddio porthiadau RSS?
At ei gilydd, y peth cyntaf sydd angen arnoch yw rhywbeth o'r enw Darllenydd Newyddion. Mae sawl gwahanol fersiwn - cyrchir rhai ohonynt drwy borwr ac eraill drwy gymwysiadau i'w dadlwytho. Mae pob un yn caniatáu ichi arddangos a thanysgrifio i'r porthiadau RSS sydd eisiau.

Unwaith ichi ddethol Darllenydd Newyddion, y cyfan sydd eisiau ei wneud yw tanysgrifio i'r porthiad RSS. Drwy glicio'r botwm, gallwch danysgrifio i'r porthiad mewn sawl ffordd:

  • llusgo botwm oren y drefn RSS i'ch Darllenydd Newyddion
  • llusgo URL y porthiad RSS i'ch Darllenydd Newyddion
  • torri a gludo'r un URL i borthiad newydd o fewn eich Darllenydd Newyddion

Mae rhai porwyr, gan gynnwys Firefox, Opera a Safari, yn ymgorffori ffwythiant sy'n codi porthiadau RSS yn awtomatig drosoch. Am ragor o fanylion ynghylch y rhain, edrychwch ar eu gwefannau.

Sut galla i gael Darllenydd Newyddion?
Mae amrywiaeth o wahanol Ddarllenwyr Newyddion ar gael ac mae fersiynau newydd yn ymddangos o hyd.

Bydd gwahanol Ddarllenwyr Newyddion yn gweithio o dan wahanol systemau gweithredu, felly bydd angen ichi gadw hyn mewn cof wrth wneud eich dewis.
Where do you want to be?